संयुक्त लोकतान्त्रिक मधेशी मोर्चाका एक घटक सदभावना पार्टीका राष्ट्रिय अध्यक्ष राजेन्द्र महतोले जर्वजस्ती निर्वाचन गराइए मुलुकमा अर्को महाभारत सुरु हुने चेतावनी दिएका छन । उनले प्रमुख तीन राजनीतिक दल कांग्रेस, एमाले र माओवादीको हठको कारण मुलुक अस्थिरता तर्फ धकेलिन सक्ने खतरा रहेको बताएका छन् । सदभावना पार्टी रुपन्देहीले मंगलबार भैरहवामा आयोजना गरेको पत्रकार भेटघाट कार्यक्रममा अध्यक्ष महतोले मधेश आन्दोलनले उठाएको मुद्धा हाल सम्म पुरा नभएको, संविधान जारी भइरहदा र हाल सम्म पनि मधेशी, आदिवासी जनजाति, उत्पीडित जनतामा संविधानप्रति असन्तुष्टि रहेको दावी गरे । “संसोधन बिना गरिने चुनावले दुर्भाग्यपूर्ण अवस्था सिर्जना गर्छ, हामी पनि निर्वाचन चाहन्छौ, तर पहिला संविधान संसोधन गरेर मात्र निर्वाचन गर्नुपर्छ” उनले भने । सरकारले यथास्थितीमा निर्वाचन गराए मोर्चाले अवज्ञा गर्ने चेतावनी दिए । मधेशको विरुद्धमा तीन दल सधैं एकताबद्ध हुन्छन, मधेशको भावनालाई नबुझी एकलौटी ढङले उनीहरुले संविधान पनि जारी गरे, जुन राम्रो कुरा होइन उनले भने । सीमांकनको टुंगो नलगाई संविधान संसोधन गरिए मधेशी मोर्चालाई मान्य नहुने उनको भनाई थियो ।जनसंख्याको आधारमा गाउँपालिका बनाउनुपर्ने र मधेश अझैं पनि आन्दोलनमा नै रहेकोले छुटेका नागरिकलाई पनि मतदाता नामावलीमा समावेश गर्नुपर्ने माग गरे ।
समय अनलाइन एउटा अनलाइन मिडिया हो। जसले निरन्तर सत्य ताजा समाचार लगायतका सामाग्रीहरू प्रकाशन गर्ने गर्छ।
परिवर्तनपरिवर्तन इमोसनइमोसन