नयाँ शक्तिले कैलालीको भजनीमा बुधबार गरेको चुनावी सभालाई सम्बोधन गर्दै डा. भटराईले नयाँ शक्ति सधैं न्याय र सत्यको पक्षमा लड्ने दावी गरे । उनले भने ‘हामी जे भन्छौं, त्यो पूरा गर्छांै यदि पूरा गरेनौं भने तपाईहरुले जे दण्ड दिनुहुन्छ भोग्न तयार छौं ।’
संयोजक भट्टराईले इतिहासमा सबै पार्टीहरुले परिवर्तनको लागि योगदान दिएको चर्चा गर्दै भने ‘हामी कसैको आलोचना गर्दैनौं । नेपाली कांग्रेसले राणाशाहीको अन्त्य गर्न संघर्ष गरेकै हो । एमालेले पञ्चायतलाई ढालेर बहुदलीय व्यवस्था ल्याउन योगदान गर्यो । माओवादी जसमा म आफैं संलग्न थिएँ, त्यसले हतियारको बलमा राजतन्त्र र सामन्तवादलाई जरैदेखि फालेर संघीय गणतन्त्र स्थापना गर्नमा महत्वपूर्ण भूमिका खेल्यो । त्यसको हामी सबैलाई इतिहासमा पुर्याएको योगदानका लागि धन्यवाद दिन चाहन्छौं ।’
उनले देशमा व्यवस्था परिवर्तनको प्रक्रिया पूरा भएकोले अबको निकासका लागि नै नयाँ शक्तिको अपरिहार्यता रहेको समेत प्रष्ट पारे । उनले राजनीति नसुध्रिएसम्म सामाजिक आन्दोलनले मात्र देशको विकास नहुने बताउँदै सबै समुदायमा रहेका सक्षम र सचेत मान्छेहरु अगाडि बढेर देशलाई विकल्प दिनुपर्ने प्रष्ट पारे ।
समय अनलाइन एउटा अनलाइन मिडिया हो। जसले निरन्तर सत्य ताजा समाचार लगायतका सामाग्रीहरू प्रकाशन गर्ने गर्छ।
परिवर्तनपरिवर्तन इमोसनइमोसन