नेपाल लोकतान्त्रिक फोरमका अध्यक्ष विजय गच्छदारले मधेस केन्द्रित दलहरुले भित्रभित्रै निर्वाचनको तयारी गरिरहेको जिकिर गरेका छन् ।
अध्यक्ष गच्छदारले मधेस केन्द्रित दलहरूले बाहिर मात्रै निर्वाचनको विरोध गरेको टिप्पणी गरेका छन् । विहीवार विराटनगरमा संचारकर्मीहरूसँग कुरा गर्दै अध्यक्ष गच्छेदारले परिमार्जन सहित संविधान संशोधन गरिए निर्वाचनको वातावरण बन्न सक्ने उल्लेख गर्दै सरकारलाई सहमतिको वातावरण बनाउन आग्रह गरे । उनले मधेसी मोर्चाले गलत अडान राखेका कारण सहमति बन्न नसकेकोे भन्दै आपत्ति पनि जनाए ।
अध्यक्ष गच्छदारले संविधान संशोधनका लागि प्रमुख तीन राजनैतिक दलबीच सहमति हुनुपर्ने पनि स्पष्ट पारे । उनले संविधान कार्यान्वयनका लागि निर्वाचन आवश्यक रहेको पनि स्मरण गराए ।
समय अनलाइन एउटा अनलाइन मिडिया हो। जसले निरन्तर सत्य ताजा समाचार लगायतका सामाग्रीहरू प्रकाशन गर्ने गर्छ।
परिवर्तनपरिवर्तन इमोसनइमोसन