नेपाल-भारत छुटउने अन्तर्राष्ट्रिय सीमानामा पर्ने दशगजा मिचेर एसएसबीले खनेको कुलो स्थानीय प्रशासनको दबावमा पुरिएको छ । एसएसबीले नेपाली तर्फको करिब २५ मिटर सीमा अतिक्रमण गर्दे कलभटबाट कुलो खनेको थियो ।
एसएसबीले पानी निकासका लागि खनेको जानकारी स्थानीय प्रशासनलाई दिएको थियो । बर्दिया मधुवन- ५ स्थित ७५ देखि ७७ बीचको सीमा स्तम्भ मिच्दै नेपाली भुभागमा एसएसबीको सहयोगमा भारतीय वनका कर्मचारीले खाडल खनेका हुन ।
घटनाको जानकारी थाहा पाउना साथ सदरमुकाम गुलरियाबाट प्रमुख जिल्ला अधिकारी विष्णु बहादुर थापा,सशस्त्र प्रहरी उपरिक्षक तारा पन्त लगायतका सुरक्षाकर्मी त्यस तर्फ गएका थिए । स्थानीय प्रहरी प्रशासनको दवावपछि एसएसबी र भारतीय वनकर्मीले खाडल पुरेको प्रजिअ थापाले बताए । भारतीय सुरक्षाकर्मीले करिब २५ मिटर खाडल स्काईभेटरबाट खनेका थिए ।
दबावमा आएपछि उनिहरुले खाडल खन्न ल्याएको उक्त स्काईभेटरबाट खाडल पुरिएको थियो ।
समय अनलाइन एउटा अनलाइन मिडिया हो। जसले निरन्तर सत्य ताजा समाचार लगायतका सामाग्रीहरू प्रकाशन गर्ने गर्छ।
परिवर्तनपरिवर्तन इमोसनइमोसन