राष्ट्रिय प्रजातन्त्र पार्टीले १४ अञ्चलका मूख्य शहरमा आगामी बैशाख १० गतेभित्र चुनावी सभा गर्ने निर्णय गरेको छ । राप्रपाको आज बसेको स्थानीय तह निर्वाचन केन्द्रीय परिचालन समितिको बैठकले १४ वटै अञ्चलका मूख्य शहरमा चुनावी सभा गर्ने निर्णय गरेको हो । मेचीको दमक, कोशीको इटहरी, सगरमाथाको लहान, जनकपुरको बर्दिबास, नारायणीको भरतपुर, बाग्मतीको धादिङ, गण्डकीको स्याङ्जा, लुम्बिनीको भैरहवा, राप्तीको दाङ, भेरीको नेपालगञ्ज, सेतीको धनगढी र महाकालीको बैलौरीमा सभा गर्ने निर्णय भएको प्रवक्ता भुवन पाठकले जानकारी दिनुभयो । यस्तै बैठकले स्थानीय निर्वाचनका लागि अञ्चलगत रुपमा १४ वटै अञ्चलमा संयोजक पनि तोकेको छ । मेचीमा राजेन्द्र लिङ्देन, कोशीमा सुनिल थापा, सगरमाथामा रामचन्द्र राय र राजेन्द्र गुरुङ, जनकपुरमा आङछिरिङ शेर्पा, नारायणीमा राजीव पराजुली, वागमतिमा बुद्धिमान तामाङलाई संयोजकको जिम्मेवारी दिएको राप्रपाले जनाएको छ । यस्तै गण्डकीमा हेमजङ्ग गुरुङ, धौलागिरीमा भीमप्रसाद गौचन, लुम्बिनीमा ध्रुब बहादुर प्रधान, राप्तिमा मनोज प्रधान, भेरीमा प्रेम बहादुर भण्डारी, कर्णालीमा धन बहादुर बुढा, सेतीमा चन्द्र बहादुर गुरुङ र महाकालीमा जयन्त चन्दलाई संयोजकको जिम्मेवारी दिइएको प्रवक्ता पाठकले जानकारी दिनुभयो ।
समय अनलाइन एउटा अनलाइन मिडिया हो। जसले निरन्तर सत्य ताजा समाचार लगायतका सामाग्रीहरू प्रकाशन गर्ने गर्छ।
परिवर्तनपरिवर्तन इमोसनइमोसन