इटहरी, भदौ १३ गते । कमल थापाका दाहिने हातका रुपमा
चिनिनु भएका रामकुमार सुब्बाले आधिकारीक रुपमा कमल थापालाई छाड्नु भएको छ ।
उहाँ राष्ट्रिय प्रजातान्त्र पार्टी (प्रजातान्त्रिक)को उपाध्यक्षमा चयन
भएपछि थापा थप एक्लिनु भएको छ । राप्रपा प्रजातान्त्रिको उपाध्यक्षमा
रामकुमार सुब्बा र महामन्त्रीमा भने रेशम लामा चयन हुनु भएको छ । पार्टी
अध्यक्ष पशुपतिशमशेर राणाको अध्यक्षतामा मंगलबार बसेको बैठकले पार्टीको
उपाध्यक्ष र महामन्त्रीमा क्रमशः सुब्बा र लामालाई चयन गरेको हो । पार्टीको
संगठन विस्तार गर्न बसेको बैठकले सुब्बा र लामालाई क्षमताको मुल्याकंन
गर्दै उपाध्यक्ष र महामन्त्री चयन गरेको नेता सुनिलबहादुर थापाले बताउनु
भयो । उहाँले पार्टीले संगठन विस्तारको काम गरिरहेको बताउनु भयो । कमल
थापाको नेतृत्वको राष्ट्रिय प्रजातन्त्र पार्टी विभाजन भएर राणाको
नेतृत्वमा राप्रपा (प्रजातान्त्रिक) गठन भएको हो। राप्रपा प्रजातान्त्रिक
अहिले संगठन विस्तारसँगै चुनावी तयारीमा लागेको छ।
समय अनलाइन एउटा अनलाइन मिडिया हो। जसले निरन्तर सत्य ताजा समाचार लगायतका सामाग्रीहरू प्रकाशन गर्ने गर्छ।
परिवर्तनपरिवर्तन इमोसनइमोसन